Home Eltere HAPPY BIRTHDAY JAEL Jael Lenja Foeteli: Muettertag  Foeteli: Biketour  Erlaebnis News Gästebuech Kontakt 

Jael Lenja

Ein kleines Kind ist ein Wunder des Lebens, eine Quelle der Freude,ein wahrer Segenund ein Geschenk Gottes!

Üsi Tochter Jael Lenja isch am 02.04.06 uf dWelt cho. sMami het e sehr e schöni Schwangerschaft mit de Jael dörfe erlebe u es isch ihre tip top gange. I de Nacht am halbi Eis het sMami plötzlich e Blasesprung gha u am 02.10Uhr isch dJael scho da gsi. Es het mit de Ambulanz grad n o is Spital glengt.De Jael isches de nid guet gange u sie isch i dInsel gfloge worde. Meh het lang nid gwüsst, was sie het u nach 10Täg si mir mit Verdacht uf Reflux entlah worde.Mit zwei Mönet het dJael seltsami Chopfbewegige gmacht, dass het üs nüm gfalle u si bim Chinderarzt verbi. dÄrztin het üs de grad wieder i dInsle gschickt u Verdachtsdiagnose wie Epilepsi u Blindheit hei mir zghöre becho. Als me es MRI vom Schädel gmacht het, het meh gseh, dass sChlihirni missbildet isch u endli usegfunde, dass dJael es Joubert-Syndrom het.Momentan het dJael 2x ir Wuche Physiotherapie, 1x ir Wuche Früeherziehig.E halbe Tag ir Wuche darf sie i dKita ga. Das gfallt ihre sehr guet u sie fühlt sich wohl. dJael gnüssts sehr, we sie mit Chind cha zäme si u mit ihre Fröhlichkeit steckt sie eim a. Sie liebts Büechli aluege, mit Auto spiele u ihres Bebe füettere u am liebschte het sies, we sMami u de Papi mit ihre düe spiele. Bädele isch o es grosses Hobby vo ihre, de git sie vollgas!Jael, eso wie du bisch, mir hei di eifach u mega gärn!!!!!!